Sulmuesi i kombëtares angleze, Raheem Sterling ka nënshkruar një kontratë të re me Manchester City deri në vitin 2023, ku lojtari do të fitojë plot 350.00 euro në javë. 23-vjeçari kishte një kontratë që do të skadonte pas dy viteve, dhe me kontratën e re ai është bërë lojtari më i paguar në Premier League.
Lidhur me këtë, Sterling tha: “Jam i lumtur për rinovimin. Zhvillimi im këtu ka qenë i pabesueshëm. Mendoj se kam bërë zgjedhjen e duhur që kam ardhur këtu. Jam shumë mirënjohës,deklaroi ai shkruan SP.
Kujtojmë që sulmuesi ka shënuar 7 gola për këtë sezon, teksa kampionëve në fuqi të City-it iu bashkua nga Liverpool për shumën 60 milionë euro në vitin 2015. Ai ka shënuar 23 gola sezonin e kaluar teksa “Qytetarët” fituan titullin e Premier League dhe Carabao Cup.
Discussion about this post