Është një stërvitje manovër ajo që është bërë nga siguria e portit në qytetin e Durrësit, e megjithatë disa prej mediave e kanë raportuar këtë si një alarm për bombë.
Siguria në port ka kryer manovër në terminal duke nxjerrë me shpejtësi pasagjerët, e gjitha kjo në kuadër të luftës kundër terrorizmit, dhe lëvizjet janë bërë në momentin e pritjes të ardhjes së pasagjerëve me tragetet e linjave Durrës-Bari dhe Durrës-Ankona.
Po në disa media u përhap me shpejtësi alarmi se në Portin e Durrësit ka rrezik për bombë. Po nëse kjo do të ishte e vërtetë, a nuk do të kishte një reagim të menjëhershëm nga ana e autoriteteve?
Ndoshta disa prej gazetarëve nën diktatin e kohës por edhe të disa klikimeve kanë menduar që ta hedhin njëherë lajmin pastaj të mendohej për kostot.
Fatmirësisht në këtë histori nuk ka asgjë të vërtetë sa i përket rrezikimit të jetës së qytetarëve.
(E.K/SHUPLAKA)
