Sekretari i Përgjithshëm i NATO-s, Jens Stoltenberg, ka besim se Suedia do t’i bashkohet aleancës ushtarake të paktën deri në korrik, tha ai për agjencinë gjermane të lajmeve DPA këtë javë.
Samiti i ardhshëm i NATO-s do të mbahet në Uashington nga 9 deri më 11 korrik dhe vendi nordik do të jetë anëtar i plotë deri atëherë, tha ai.
Suedia dhe Finlanda braktisën dekada të neutralitetit dhe të dyja aplikuan për t’u bërë aleatë të NATO-s pas pushtimit të plotë të Ukrainës nga presidenti rus Vladimir Putin. Ndërsa pranimi i Helsinkit u miratua shpejt, pranimi i Stokholmit është pezulluar për shkak të mosmarrëveshjeve nga Turqia dhe Hungaria.
Presidenti turk Rexhep Tajip Erdogan dëshiron që qeveria suedeze të godasë anëtarët e Partisë së Punëtorëve të Kurdistanit (PKK) në tokën e saj dhe po përdor të drejtën e vetos së Turqisë për të nxitur blerjen e avionëve luftarakë F-16 nga SHBA.
Komisioni i Punëve të Jashtme i Parlamentit turk ka dhënë miratimin e tij për anëtarësimin e Suedisë në aleancë dhe tani Parlamenti duhet të japë dritën jeshile.
Stokholmi i mbajti angazhimet e tij ndaj Ankarasë dhe bëri lëshime, tha Stoltenberg.
