Një 32 vjeçar nga Fieri, me profesion stomatolog ka qendruar për tre ditë në komisariat, për shkak se kishte dalë jashtë fashave orare të lejuara nga policia. Arber Stefa është kapur nga policia duke blerë dy buke për prindërit në një furrë buke në lagjen “Liri” gjatë orarit të ndalimit të lëvizjes.
Por duket se këtë skandal të policisë është përpjekur që ta ndreqë sadopak Gjykata e Fierit, në vendimin që ka dhënë sot duke e lënë të lirë. Babi i 32-vjeçarit, teksa ka vlerësuar masën e gjykatës ka treguar edhe ngjarjen.
“Mendoj që ky vendim i gjykatës është i arsyeshëm për ngjarjen që ka ndodhur. Djali u ndalua pasi ka shkuar për të marrë dy bukë. Aty është ndaluar nga patrulla e policisë për ti kontrolluar lejën. Ai ka nxjerrë një dokument si stomatolog që është, policia e ka pritur keq këtë.
Polici e ka ofenduar. Pastaj djali u irritua. Ai është djalë që punon dhe është i rregullt. Kjo është si rast që dimë ne. Na kanë njoftuar se i kanë marrë edhe celularin”, ka thënë babai. 32-vjeçari ka qëndruar 72 orë në komisariat dhe më pas është lënë i liri.
Discussion about this post