Prej disa ditësh ish-kryetarja e FRESSH-it Joleza Koka ka marrë një nismë kundër moderatorëve të emisionit ‘’Stop”.
Kjo pasi Saimiri dhe Genti në një moment të programit i quajtën dy velinat ‘’kafshë”. Ndoshta natyra e emisionit bën që moderatorët të lëshojnë paksa fjalët, po për Kokën kjo ishte e papranueshme.
Madje ajo ka kërkuar reagim të menjëhershëm nga AMA-s për këtë incident. Mirëpo duket se ‘’hakmarrja” e dy moderatorëve nuk ka vonuar.
Në emisionin e djeshëm ata janë tallur me Kokën duke risjellë në vëmendje dhe videon ku ajo nuk është e qartë në atë që komunikon. Po ashtu në mënyrë ironike moderatorët shprehen se Joleza Koka është deputetja që i mungon Kuvendit.
“Kemi parë deputetë të vjetër, aq të vjetër sa disa prej tyre kanë foto dhe me Enver Hoxhën. Mungonte…mungonte, po si ka mundësi që mungonte.
Edi Rama s’ke lënë njeri pa futur në Parlament dhe ke harruar atë..atë si e ka emrin…atë që thoshte të bëfsha gjeneratën”, thotë ndër të tjera Saimir Kodra në video.
Më tej ata kanë denoncuar dhe faktin se për dy vite ajo ka qenë pjesë e Ministrisë së Mirëqënies Sociale dhe Rinisë dhe nuk është paraqitur asnjë ditë në vendin e punës. Dhe nga ana tjetër rrogën e ka marrë.
“Filloi punë Joleza, kjo vajza parimore që është sensiblë, kjo vajza që korigjon Hamletin. Kjo vajza për dy vjet ka marrë lekët tona, taksat tona, në një punë që për dy vite nuk ka shkuar asnjë ditë”, thonë më tej moderatorët.
Po ashtu Saimir Kodra në fund të emisionit thotë se po përgatit një padi ndaj ish-kryetares së FRESSH-it.
(E.K/SHUPLAKA)
Për më shumë shihni VIDEON nga minuta e 10:40 deri në fund.
