Strakosha nuk ka pasur një natë edhe aq të qetë mbrëmë. Edhe pse ekipi i tij fitoi me shifrat 2-1 ndaj Susuolos. Një gabim i portierit shqiptar rrezikoi gjithçka dhe i dha avantazhin skuadrës së Sasuolos falë një penalltie të shkaktuar pikërisht nga ai dhe ndryshe nga herët e tjera, trajneri Simone Inzagi nuk ka ngurruar ta vërë në dukje këtë mangësi të lojtarit.
“Kemi gabuar mënyrën se si hymë në ndeshje dhe te goli i pësuar, ndoshta Strakosha shfaqi një mungesë sigurie”, pranoi Inzagi i cili i ka besuar deri tani portierit shqiptar. Nëse me këtë deklaratë ai është munduar që të mos ngarkoje shumë portierin shqiptar, mediat italiane nuk janë kursyer. Vlerësimet për të kanë qenë negative, si në rastin e “La Repubblica” që i ka vënë notën 5.
“Gabon gjithçka në rastin e penalltisë, del me vonesë dhe shtrin Berardin. Pak më vonë, Defrel e fal një një rast të ngjashëm”, është komenti i të përditshmes italiane.
“Il Sussidiario” i vendos gjithashtu notën 5 portierit shqiptar. “Një mendjelehtësi e tij kalon në avantazh Sasuolon. Është me fat, pasi gabimi mund t’i kishte kushtuar edhe më shumë”.
Ndërsa TMË i vendos notën 5,5. “Jo edhe aq mirë në krahasim me ndeshjet e kaluara. Në rastin e penalltisë gjendet i përgatitur nga një përplasje e topit”. (E.K/SHUPLAKA)
Discussion about this post