Gjykata e Strasburgut do të rihap hetimet për vrasjen e 4 protestuesve të 21 Janarit.
Ajo ka marrë përsipër të shpreh se gjykimi për këtë çështje nuk është bërë në përputhje më Konventën e të Drejtave të Njeriut. Në vazhdë të kësaj kjo gjykatë do të bëjë një dëmshpërblim shtesë për familjarët gjithashtu do të rihap dosjen e 21 Janarit.
“Paraprakisht ka marrë përsipër të thotë që hetimi dhe gjykimi në këtë çështje nuk është bërë në përputhje me standardet e Konventës. Si rezultat ka marrë përsipër të paguajë një dëmshpërblim shtesë për këto familje, e gjithashtu ka marrë përsipër të rihapë çështjen e 21 Janarit, për t’i dhënë mundësinë edhe familjarëve që të marrin pjesë në gjykim”, tha Dorian Matlia, avokat i familjarëve.
Ndërkohë një shqetësim tjetër vjen nga avokati Matlia i cili shprehet se organet shtetërore në Shqipëri nuk janë duke i dhënë drejtim kësaj çështje, dhe duke ngritur zërin në Gjykatën Europiane ai shpreson ndërgjegjsimin e instancave në vend.
“Është paraqitur një ankim në Gjykatën e Apelit, e cila është ende në proces shqyrtimi dhe nuk është dhënë një përgjigje nga kjo gjykatë. Por kaq! Deri tani, vetëm familjarët kanë bërë veprime, jo organet shtetërore. Unë pres që të paktën me kalimin e pak kohe të bind autoritetet e huaja, komitetin e ministrave, e më tej edhe Gjykatën Europiane që çështjen të vazhdojnë ta zgjidhin ata, sepse ne në Shqipëri nuk paskemi mundësi t’i zgjidhim”, shtoi Matlia.
