Gjatë fjalës së tij në aktivitetin e organizuar nga KLGJ, ku u prezantua strategjia e re e KLGJ për uljen e dosjeve të prapambetura nëpër gjykata 2024-2027, Ministri i Drejtësisë Ulsi Manja, tha sot se strategjia e re e hartuar nga Këshilli i Lartë i Gjyqësorit për uljen e dosjeve të mbetura stok në Gjykata, është tregues i faktit se drejtësia e re dhe e pavarur po vepron.
“Strategjia që prezantohet sot hyn drejt e në zemër të problematikës, që është stoku i dosjeve të pagjykuara. Pse u krijua stoku, tashmë dihet. Kjo nuk ka ndihmon dot më sot, 6 vjet pas zbatimit të reformës në drejtësi. Ndihem mirë që vetë KLGJ na bëri sot bashkë të gjithëve, që të marrim përgjegjësitë që na takojnë, për qytetarët që presim që çështjet e tyre të gjykohen. Një sistem drejtësie që propozon zgjidhje, perceptohet nga publiku si një sistem drejtësie në veprim”, u shpreh Manja.
Discussion about this post