Deputeti i Partisë Demokratike, Gent Strazimiri tha sot se protesta e 13 majit do të tregojë pakënaqësinë e popullit shqiptar ndaj qeverisjes së Ramës. Në rubrikën “Opinion” Strazimiri u shpreh se protesta do të jetë masive.
Deputeti demokrat tha se “qeveria e Ramës i ka minutat e numëruara”.
“Kjo do të jetë një protestë masive. Populli do të tregojë forcën e tij, pushtetin e tij përballë zyrave që kujtojnë se mund të pengojnë qytetarët. Një qeveri që nuk trembet nga populli në rrugë, është një qeveri që i ka minutat e numëruara. Është një pakënaqësi popullore që në 13 maj do të derdhet në sheshin kryesor të Tiranës. Është një strategji e Ramës pa fantazi, e përsëritur e dalë boje. Të trembësh popullin që të mos dalë në rrugë, për të shprehur ndjenjën e padrejtësive që i bëhet nga kjo qeveri. E sot i shtoi edhe talljen. Ftoj çdo shqiptar pavarësisht bindjeve politike, t’i bashkohet protestës. Çdo kush që është i zhgënjyer. Ka 80 e ca ditë kjo protestë që nuk ka asnjë flamur partiak, por vetëm flamurin kuq e zi”, tha Strazimiri.
“Rama është problemi, LSI është një aksesor në dorën e Ramës, pengesa për zgjedhje të lira është ai. Ndaj kryefjala mbetet qeveria teknike. Duhet të garantohen zgjedhje të lira e të ndershme. Rama e thotë me arrogancë që PD në zgjedhje është e panevojshme, e po kështu edhe konkurrenca. Pra këtu mbyllet çdo gjë. Ka qenë skandaloze dorëheqja e ministarve të maxhorancës, kanë dhënë akuza, akoma ke ministra të kabinet që e akuzojnë kryeministrin për hashashizimin e vendit”, -tha Strazimiri. (M.D/Shuplaka)
Discussion about this post