Strazimiri sulmon kritikët e Bashës: PD e “reformuar” sipas modelit të mjeranëve le të shuhet

Pas zhvillimeve dje në PD Gent Strazimiri ka sulmuar kritikët e Lulzim Bashës.  Sipas Strazimirit ” një PD “reformuar” sipas modelit të mjeranëve,  le të shuhet sot sepse nuk i duhet askujt. 

REAGIMI:

“Di të them vetëm se:
O nisesh për të mirën e PD dhe të vendit, o ia shkel syrin mjerove haremit të qeverisë që të simpatizojnë, promovojnë, sponsorizojnë…
Një PD e “reformuar” me bekimin, e sipas modelit të mjerove LE TË SHUHET SOT SEPSE NUK I DUHET ASKUJT!
Një PD e tillë do të ishte e dëmshme, E NEVERITSHME po aq sa mjero-politika, mjero-interesat, mjero-media, mjero-demokracia që po na le PA ATDHE!”, u shpreh Strazimiri. 

Sjellim në vëmendje që Lulzim Basha dhe Eduard Selami do të jenë dy kandidaturat që do të garojnë më 22 korrik, për kreun e Partisë Demokratike.

Nga 8 kandidatë që kishin aplikuar për garën për kreun e PD-së, Kryesia vendosi që më 22 korrik të përballen Lulzim Basha dhe Eduard Selami, një propozim i bërë ky nga drejtesi i mbledhjes Edi Paloka, që në nisje të saj.

Gjatë mbledhjes, grupi anti-Basha paraqiti një kërkuesë për ndryshimin e rendit të ditës, e cila u rrëzua.

“Kryesia të anulojë procedurën e nisur për kryetarin e PD. Procedura për kryetarin e PD është anti statutore. Kërkesa për rend dite të hidhet në votim të fshehtë. Kjo kërkesë mbështetet nga 1/6 e anëtarësisë”, tha Malko.  (J.V/Shuplaka)