Edhe dy ditë vigjilencë do të tregohet deri në përmirësimin e motit, sipas kryebashkiakut Erion Veliaj, e më pas do të nisin përpjekjet për t’u kujdesur pë rata që kanë nevojë për kontroll të avancuar mjekësor.
Këtë lajm e bëri të ditur kryebashkiaku Erion Veliaj gjatë inspektimit të kryer ditën e djeshme në qendrën sociale të Kombinatit, ku shprehu falenderimet. Ai siguroi se Bashkia e Tiranës është duke ndjekur me vëmendje të gjithë situatën e krijuar.
“Kemi edhe dy ditë vigjilencë derisa moti të stabilizohet. Mbas këtyre dy ditëve fillon një përpjekje e re për t’u siguruar që kush ka nevojë për kontroll të avancuar mjekësor të vazhdojë të ndiqet, kush ka nevojë për asistencë sociale të ndihmohet, kush ka nevojë për punësim të asistohet dhe kush ka nevojë për shtëpi t’i bashkohemi në procesin e gjetjes së një banese afatgjatë për të zgjidhur çështjen e strehimit”, theksoi Veliaj.
Veliaj u bëri apel qytetarëve që të tregohen të kujdesshëm deri në kalimin e plotë të kësaj periudhe dhe në stabilizimin e temperaturave. (XH.A/SHUPLAKA)
Discussion about this post