Stresi i madh i shfaqur për gjendjen ekonomike gjatë muajve të shtatzënisë, mundet që të dëmtojë shëndetin e fëmijës tuaj. Studiuesit në Universitetin e Ohios zbuluan në sajë të studimeve të kryera se në të tilla raste gratë janë të predispozuara të sjellin në jetë fëmijë me peshë të vogël.
Organizata Botërore e Shëndetësisë (OBSH) cilëson fëmijë me peshë të vegjël të gjithë ata të porsalindur me peshë më të vogël se 2500 gram. Këta fëmijë janë të predispozuar të preken nga sëmundje të tilla si diabeti, probleme me zemrën, hipertension, sindroma metabolike ose obeziteti në vitet e mëvonshme.
Për të reduktuar ankthin gjatë shtatzënisë duhet:
Të bëni yoga, ushtrime relaksuese, bashkëbisedime me familjarët, marrje e mbështetjes morale nga bashkëshorti, familjarë dhe miq, si dhe bashkëbisedime me të tjera gra shtatzëna.
(XH.A/SHUPLAKA)
Discussion about this post