Një i ri nga Kosova, ka ndërruar jetë pasi ishte infektuar me koronavirus. Vetëm 27-vjeç dhe një student i shkëlqyer i arkitekturës, Bersanti la pas një plagë të madhe në familje.
Këtë të enjte atij është dhënë lamtumira e fundit në një moshë fare të re. Bersantin e njihnin si djalë ambicioz dhe mjaft të talentuar.
Rektori i Universitetit ku ai studionte, Edmond Hajrizi, ka ndarë një letër ngushëlluese familjes. Humbja e të riut ishte e papritur teksa rektori kujton se me sa pasion studionte Bersanti.
Edmond Hajrizi shkruan: Me dhimbje të thellë morëm lajmin që studenti jonë, Bersanti, humbi betejën nga virusi COVID-19. Bersanti ishte një djalë i ri që kishte ambicie dhe arritje të shumta profesionale, mbi gjitha ishte student i dalluar në fushën arkitekturës.Kosova humbi një profesionist në formim e sipër, familja humbi më të dashurin e tyre, me ç’rast, në emër të UBT-së, ju shpreh ngushëllimet më të sinqerta.
Discussion about this post