Strukturat e Lëvizjes Socialiste për Integrim kanë zhvilluar një takim me njësinë administrative të Farkës, në Tiranë, ku të pranishëm ishin sekretari i përgjithshëm i LSI-së, Endrit Braimllari dhe Ministri i Transportit dhe Infrastrukturës, Sokol Dervishaj.
Gjatë këtij takimi Braimllari është shprehur se procesi i riorganizimit të strukturave do të partisë do të bëhet mbi parimin e meritokracisë dhe kolegjialitetit .
“Lëvizja Socialiste për Integrim është forca politike e cila mbështetet tek meritokracia dhe kolegjialiteti i strukturave të saj. Ky proces është mjaft i rëndësishëm për riorganizimin e partisë dhe zgjedhjen e strukturave drejtuese për katër vitet e ardhshme”, u shpreh sekretari i LSI-së.
Braimllari thekson se LSI është një forcë politikë që i dëgjon qytetarët.
“Kjo pasi Lëvizja Socialiste për Integrim është një forcë politike e cila dëgjon dhe u shërben qytetarëve. Vendimet që merr LSI-ja janë vendime kolegjiale”, ka deklaruar sekretari.
Ndërsa Ministri Dervishaj, shprehet se do t’i mbështesë maksimalisht banorët e Farkës që ata të zhvillohen sa më shumë si zonë e kryeqytetit.
“Ne mbështesim maksimalisht banorët e Farkës si edhe vetë njësinë administrative Farkë për ta zhvilluar më shumë këtë zonë të kryeqytetit. Ne si forcë politike jemi dhe do të jemi pranë çdo qytetari pasi lajtmotivi kryesorë i LSI-së si forcë politike është shërbimi ndaj qytetarëve”, tha Dervishaj.(K.P/ SHUPLAKA)
Discussion about this post