Një muaj pas rikthimit në auditore flasin studentët e fakultetit të Shkencave Sociale për mikrofonin e Fax News. Ata shprehen se ndryshe nga sa ka premtuar qeveria deri tani asnjë kërkesë nuk është plotësuar. Studentët nuk e përjashtojnë mundësinë për rikthimin e protestave, në rast se qeveria nuk i plotëson kërkesat e tyre.
Kujtojmë që protestat e studentëve nisën më 5 dhjetor të iniciuara nga studentët e Fakultetit të Arkitekturës dhe Urbanistikës të Universitetit të Tiranës që më pas u përhapën në të gjitha Universitetet Publike..
Mijëra studentë në Tiranë bojkotuan mësimet dhe marshuan nga fakultetet e tyre drejt ndërtesës së ministrisë duke i kërkuar Ministrisë të shkurtojë tarifat e shkollimit dhe anulimin e vendimit të qeverisë për pagesat e provimit, së bashku me kërkesat e tjera si kushtet më të mira të jetesës në konvikte dhe përfshirjen e studentëve në procesin e vendimmarrjes.
