Gjatë protestës dje pas shemnbjes së Teatrit Kombëtar u sulmua edhe Gentian Shkurti, artist vizual, i cili ka marrë pjesë në shumë ekspozita ndërkombëtare nga Qendra Pompidou në Francë, Muzeu i Artit
Bashkëkohor Hungarez, deri në Edicionin e 54 të Bienales Ndërkombëtare të Artit në Venecia.
Mësohet se Shkurti, dikur ish-student i Edi Ramës, u sulmua nga aktivistë dhe militantë të Partisë Demokratike, ndërkohë që për t’i ndarë ka ndërhyrë gazetarja Esmeralda Mulaj.
Në një moment ai thirri, “Luli ik, Mona ik!” por u sulmua fillimisht nga Dritan Gjana, djali i ish-deputetit demokrat Jemin Gjana, i cili është noter në kryeqytet.
Gjana e goditi me shkelm Gentin, por u pengua nga një gazetarja që nuk e lejoi. Më pas artistit iu sul Darvin Zalla, militant i PD-së. Ai e rrëzoi në tokë dhe ishin disa zonja në protestë, që i dolën para për të mos e lejuar të vazhdonte.
