Ulëritëse ajo që ndodhi sot në seancën plenare të “Parlamentit Rural”. Gerta Loku, një vajzë mirditore, ka mbajtur sot një fjalim emocionues nga foltorja e Kuvendit të Shqipërisë.
E prerë, e qartë në fjalën e saj ajo iu palsi në sy të gjithë deputetëve realitetin shqiptar, gjendjen në të cilën ndodhen fshatrat shqiptare. Ajo theksoi se fshati ka nevojë vetëm për rrugë dhe ujë dhe u përlot teksa tregonte ëndrrat e fshatarëve. E përlotur ajo tregonte se fshatarët kanë nevojë vetëm për rrugë dhe ujë.
“Nuk dua që asnjë nga ju të vijë me një makinë të madhe por me një foristradë, se fshatrat sidomos ato fshatrat që nuk janë në akset rrugore nuk shkon dot makina. E atje ku nuk shkon makina nuk shkon asgjë, nuk shkon as jeta. Fshatrat sidomos ata të strukurit nuk kanë rrugë, rrugë si arterie gjaku që e ushqejnë dhe i japin jetë. Jepini ujë dhe rrugë fshatit se i japin jetë, nuk kërkojmë asgjë tjetër. Unë kam ardhur këtu të tregoj pse jo Gertën por kam ardhur këtu të të tregoj edhe Kristinën”, u shpreh ajo.
Vajza nga Rubiku u kthye nga Italia gjashtë vjet më parë, pasi studioi shkenca politike në universitetin prestigjoz të “La Sapienza-s” në Romë dhe u specializua për marrëdhënie ndërkombëtare, me dy diploma.
“U ktheva dhe hapa një fermë me 300 dhi. Ideja ishte që të merresha me kafshën politike por provinca më bëri me kafshën zoologjike, unë dhe im shoq nuk jemi penduar për një minutë që jemi fshatarë, blektorë që kemi bërë një gjë të vogël.”, tregoi ajo. (J.V/Shuplaka)
https://www.youtube.com/watch?v=mpio2wIrgKQ
Discussion about this post