Shqiptarët kanë një lidhje të fortë me politikën dhe këtë e tregojnë edhe studimet. Më e fundit është ajo e realizuar nga Banka Europiane për Rindërtim “Jeta në Tranzicion” ku merret në analizë edhe pjesëmarrja në politikë, shkruan monitor.
Sipas të dhënave gratë ende kanë pjesëmarrje më të ulët sesa meshkujt në politikë. Po kështu në vendet në tranzicion kjo disbalancë është më e madhe edhe pse teorikisht të qenit në demokraci duhet të rrisë pjesëmarrjen e grave.
Sipas vrojtimit të BERZH, në Shqipëri, pjesëmarrja e grave në parti politike llogaritet në rreth 15%, ndërsa meshkujt në rreth 26%. Vendi ynë renditet pas Uzbekistanit, Mongolisë, Taxhikistanit etj., por lë pas fqinjët, përfshi këtu edhe Maqedoninë, Kosovën, Malin e Zi, Turqinë, Kroacinë, etj.
Ndërsa Serbia, Sllovenia e Maqedonia kanë një për qindje të lartë të grave në parlament që varion nga 33-37%.Në Shqipëri diferenca mes meshkujve dhe femrave në politikë është rreth 10 pikë përqindje, ndërsa në Greqi, Mal të Zi e Rumani është më e vogël. (J.V/Shuplaka)
Discussion about this post