Kush divorcohet nga partneri apo partnerja, ka më shumë gjasa që të vdesë përpara kohe. Rezultatet e një studimi të fundit, thonë se ndarja nga bashkëshorti rrit rrezikun e ndarjes nga jeta, për shkak se rritet probabiliteti që të nisin duhanin dhe të mos bëjnë më ushtrime fizike. Në një situatë të tillë, shanset rriten me 47%.
Autori kryesor i studimit, Kyle Bourassa nga Universiteti i Arizonës tha: “Nëse imagjinoni një burrë apo një grua që nuk pi duhan dhe kur shikon që partneri i tij bën një gjë të tillë, kjo ndikon në sjelljen e tij. Në një situatë divorci, ne humbasim kontrollin e sjelljeve tona shoqërore dhe shëndetësore”.
Rezultatet treguan gjithashtu se gratë pjesëmarrëse të divorcuara ose të ndara kishin një kënaqësi më të ulët të jetës sesa pjesëmarrësit e martuar.
Studiuesi argumentoi se divorci shkakton depresion të formave të ndryshme dhe kjo kategori njerëzisht është më e prirur dhe ka më shumë gjasa që të nisë duhanipirjen. Rritja e përdorimit të cigareve në ditë dhe mosushtrimi i aktiviteteve fizike ndikojnë keq në shëndet dhe kjo rrit rrezikun që të prekeni nga sëmundje vdekjeprurëse. Studiuesit thonë se studimet e ardhshme për këtë temë duhet të perceptojnë se si ndyshon konsumimi i duhanit dhe alkoolit kur njerëzit divorcohen. Gjetjet e këtij studimi u publikuan në revistën “Annals of Behavioral Medicine”.
(M.Q/Faxweb)
Discussion about this post