Studimi: Pirja e duhanit në mëngjes rrit rrezikun për kancerin në mushkëri

Sipas Organizatës Botërore të Shëndetësisë (OBSH), duhani mbetet shkaku kryesor i vdekjeve të parandalueshme.

Sipas organizatës në fjalë, 6 milionë njerëz vdesin çdo vit nga sëmundje që lidhen me duhanpirjen, pjesa më e madhe në vende me të ardhura të ulëta dhe të mesme.

Sipas një studimi, personat të cilët ndezin cigare sapo të zgjohen nga gjumi janë më të prirur që të preken nga kanceri i mushkërive ose i gojës.

“Ne mendojmë se është një tregues i mënyrës sesi njerëzit e konsumojnë duhanin. Njerëzit që pijnë duhan posa zgjohen në mëngjes, e thithin më thellë tymin. Ata ndoshta e thithin më shpesh cigaren. Prandaj është në të vërtetë më shumë një tregues i mënyrës sesi konsumohet duhani”, thotë studimi.

Thithja më e thellë dhe e shpeshtë, mbajtja e duhanit më gjatë në mushkëri, e rrit rrezikun për të gjitha toksinat. (A.R/SHUPLAKA)