Një stuhi e kategorisë 4 (nga 5) me erëra që shkojnë deri 225 kilometra në orë, cila shumë shpejt pritet të marrë formën e një uragani është duke u drejtuar bregut të lindjes në Shtetet e Bashkuara të Amerikës.
Pritet që uragani Florence, ditën e enjte të bëhet i kategorisë 5 dhe do të godasë Carolinën e Jugut e të Veriut, por dhe zona të tjera rreth tyre. Rreth 1.7 milionë njerëz janë urdhëruar të evakuohen në Karolinën e Jugut, atë të veriut dhe në Virxhinia.
Evakuimet kanë filluar e shumë njerëz janë larguar drejt vendeve më të sigurta, ndërkohë që ata të cilët kanë zgjedhur të qëndrojnë janë paralajmëruar për dëmet të cilat mund të jenë katastrofike. Mendohet të shkaktojë përmbytje, rrëshkitje të tokës, shi të rrëmbyer, humbje të energjisë elektrike apo shpërndarje të mbetjeve industriale.
Dhe në një video të postuar në tëitter, presidenti Donald Trump paralajmëronte banorët t’i bindeshin urdhrave.
“Largohuni që andej, mos e merrni si lojë, është një stuhi e madhe, ndoshta më e madhja që keni parë ndonjëherë. Gjëra të këqija mund të ndodhin kur bëhet fjalë për një stuhi të këtyre përmasave. Është fjala e nënës natyre, duhet të mendoni për sigurinë tuaj”, është shprehur ai.
To the incredible citizens of North Carolina, South Carolina and the entire East Coast – the storm looks very bad! Please take all necessary precautions. We have already began mobilizing our assets to respond accordingly, and we are here for you! pic.twitter.com/g74cyD6b6K
— Donald J. Trump (@realDonaldTrump) September 10, 2018
Discussion about this post