Çfarë nuk ndodhi gjatë seancës së sotme në Kuvend, ku nuk kanë munguar as përplasjet mes vetë deputetëve. Po ashtu jashtë në mes të protestuesve pamë disa persona të gjakosur mes tyre edhe deputeten e LSI-së Floida Kërpaçi.
Deputetja e LSI, Kejdi Mehmetaj i ka marrë kartën e votimit deputetit të PS Bujar Çela, ndërsa ky i fundit e ka shtyrë. Nuk dihet si ka shkuar më tej mes tyre situata, po duhet thënë se dhuna ndaj një vajze të re është e papranueshme.
Nga ana tjetër Kryetarja e LSI-së Monika Kryemadhi u shpreh se zgjedhja e kryeprokurores Arta Marku u bë mbi gjakun e një tjetër gruaje si Floida Kërpaçi.
Për zgjedhjen e Markut është votuar me 69 vota pro, dy kundër dhe dy abstenim. Opozita nuk ka mundur që të bllokojë mazhorancën për të marrë këtë vendim. Kreu i Grupit Parlamentar të PS-së Taulant Balla u shpreh pas votimit të mbyllet senaca e sotme dhe ashtu ndodhi.
Edhe pse brenda parlamentit janë hedhur tymuese, nuk u ndalua procesi i votimit për Kryeprokurorin e Përkohshëm. Pas kësaj deputetët e PD-së dhe LSI-së janë mbledhur në selinë blu.
(E.K/FAXWEB)
Discussion about this post