“ Skema e VKM-së që doli sot nuk është një skemë që formalizon diçka. Fermeri në këtë rast nuk ndihet i motivuar sepse ai 10 lekëshi nuk i del vetëm për të grumbulluar letrat dhe dokumentet përkatëse që i duhen”. Kështu u shpreh Ervin Resuli, ekspert i bujqësisë.
Sipas tij vendimi i qeverisë për të subvenciomnuar fermerët me 10 lekë për çdo litër qumështi nuk jep asnjë impakt pozitiv tek fermerët.
“Skema e re nuk ka për ta dhënë impaktin tek fermerët. Subvencioni 10 pr cedo liter qumështi masë e parakohshme. Shqipëria ka më pak subvencione se në të gjithë vendet e rajonit. Skema nuk e mbulon qumështin e deles, pra nuk i plotëson të gjitha kërkesat e fermerëve. Duhet barazim, ose kthim i TVSH tek konsumnatorët”.
Sipas Resulit asgjë nuk po bëhet në drejtimin e formalizimit të fermave sepse ka burokraci të lartë gjë e cila sipas tij duhen studiuar nga ekspertët.
“Skemat të mos jenë burokrate por të studiohen mirë nga ekspertët. Bujqësia dhe blegtoria shqiptare në realitet nuk po subvencionohen. 99% e fermerëve nuk kanë çertefikatë pronësie. Ministria më shumë harxhon për të bërë reklama se sa investon tek fermerët në bazë të programit të IPARD-it. VKNM-je e dalë nga qeveria nuk i përmbush kërkesat”.
Resuli foli edhe për ndikimin dhe impaktin që kanë legjislacionet dhe rregullat që vendosen sot në zhvillimin e mëtejshëm të bujqësisë, duke thënë se me skemat aktuale askush nuk frymëzohet për tu marrë me bujqësi dhe blegtori.
“Bujqësia dhe blegtoria në Shqipëri nuk janë frymëzuese për rininë që të trashëgojë nga prindërit profesione të tilla apo që të interesohet vetë për një gjë të tillë. Sepse me këto lloj skemash ata nuk do të fitonin asgjë, dhe në këtë kontekst ky lloj sektori është në rënie të lirë”.
(F.GJ/FAXWEB.AL)
Discussion about this post