Sula: Shqipëria e 4-ta në Ballkanin perëndimor për thithjen e investimeve nga BE

Shqipëria renditet e 4-ta në Ballkanin perëndimor për thithjen e investimeve nga BE në raport me Prodhimin e Brendshëm Bruto.

Ne kemi parë kreun e qeverisë të bëj “liderin global” në forume ekonomike, në panaire të ndryshme por siç thote populli “Fjalët e tepërta jane fukarallëk”. Dhe mesa duket kjo ka ndodhur. Teksa kryeministri ynë është kujdesur të bëj propagandë, liderët e Maqedonisë së Veriut, Serbisë e Malit të Zi i janë perveshur punës për të ftuar biznesmenët e BE të investojnë në vendet e tyre.

Sipas EUROSTAT, Institutit Evropian të Statistikave, vendi që ka përthithur më shumë investime nga BE në 2023 është Maqedonia e Veriut. Investimet nga BE deri në fund rë 2023 në Maqedoni përbënin 29.3 % të Prodhimit të Brendshëm Bruto. E dyta radhitet Serbia, e treta Mali Zi ku këto investime përbëjnë 26% të PBB dhe në vend të 4 vjen Shqiperia.

Disa vite më parë Shqipëria miratoi një ligj të përkohshëm. Ligjin për Investimet dhe Investitorët Strategjikë. Në atë kohë u propagandua se ky ligj me shumë lehtësiara fiskale madje edhe duke dhënë pasuri publike do të përdorej për të thithur investitorë seriozë nga BE. PS ka sjell sërish kërkesën për ta shtyrë këtë ligj edhe pse siç e thot edhe EUROSTAT përfituesit nuk janë brandet ndërkombëtarë por klientët e oborrit kryeministror. Mesa duket bregdeti yne ka akoma hapsira te cilat janë pikasur nga miqte e qeverise dhe do ti jap ato per qoka para zgjedhjeve.