Sulmi me autobombë në Afganistan, mbi 100 persona të vrarë

Është thelluar bilanci i viktimave nga sulmi me autobombë në Afganistan të shtunën.Mediat vendase shkruajnë se numri i të vrarëve përllogaritet tani në 103 dhe 235 ai i të plagosurve.

Disa prej të plagosurve rëndë shpërthimi ndërruan jetë në spital. Një ambulancë autobombë shpërtheu të shtunën në një zonë tepër të populluar këmbësorësh në kryeqytetin afgan.

Sulmi dyshohet të jetë vepër e militantëve talebanë dhe atyre të Shtetit Islamik përgjegjës për një valë të gjerë aktesh terroriste, kohët e fundit. Bëhet fjalë për sulmin më të rëndë prej majit të vitit të kaluar.

Qeveria e Afganistanit ka shpallur një ditë zie për të dielën, ndërsa të afërmit kërkojnë nëpër spitale për të mbijetuarit.

(M.Q/Faxweb)