Gjatë viteve të fundit, janë shtuar sulmet kibernike të cilat nuk prekin vetëm njerëzit e thjeshtë, por edhe institucionet shtetërore.
Këtë herë, një gjë e tillë ka ndodhur edhe në singapor, ku hackerat kanë vjedhur të dhënat personale të 1.5 milionë banorëve, që do të thotë gati një e katërta e popullsisë.
Ata kanë arritur të depërtojnë në database-n kombëtare të shëndetësisë nëpërmjet një sulmi të qëllimshëm e mirorganizuar, thuhet në deklaratën e qeverisë. Në shënjestër kanë qenë personat që kanë vizituar klinika mjekësore nga 1 maji i vitit 2015 deri në 4 korrik të këtij viti.
Të dhënat e hakeruara përfshijnë emra dhe adresa, por jo të dhëna të tjera mjekësore përveç mjekimeve. Këto të fundit u janë marrë gati 160 000 pacientëve. Nuk ka pasur ndërkohë shkelje të të dhënave përsa i takon diagnostikimit, rezultateve të testeve mjekësore apo shënimeve të doktorëve.
Në objektivin e hakerave kanë qenë edhe të dhënat e kryeministrit Lee Hsien Loong, i cili i ka mbijetuar kancerit dy herë.
Discussion about this post