Sulm me thikë pranë pallatit mbretëror në Britani, dy policë të plagosur (VIDEO)

Policia në Britani ka arrestuar një burrë pasi dyshohet si autor për kryerjen e një sulmi jashtë pallatit mbretëror (Buckingham Palace) ku dy policë mbetën të plagosur.

Sipas asaj që raportojnë mediat agresori sulmoi me thikë dy oficerë të armatosur përpara turistëve të frikësuar.

Policia e ndaloi njeriun në orën 8.35 dhe zbuloi se ishte i armatosur me thikë dhe dy oficerë pësuan lëndime të lehta’ në krah ndërsa e arrestonin.

I arrestuari  akuzohet për lëndime të rënda trupore dhe sulme ndaj policisë dhe oficerëve të mbetur të plagosur jashtë ndërtesës së famshme botërore.

Fotot e postuara në internet treguan makinat e policisë jashtë pallatit, oficerët e armatosur më vonë vendosën një kordon. (B.H/Shuplaka)