PDK ka mbajtur një konferencë për median në lidhje me ngjarjen e fundit ku u dhunua Arbana Xharra. Ish-ministri i Jashtëm i Kosovës, Enver Hoxhaj, ka mbajtur një konferencë nga selia e kësaj partie ku ka shprehur keqardhjen për aktin.
Ai vlerësoi lart Arbanën si gazetare dhe i premtoi se do të ketë mbështetjen e PDK-së për ta kaluar këtë situatë. Hoxhaj u shpreh se sulmi ndaj anëtares më të re të PDK-së nuk ishte sulmi ndaj një gruaje, nëne, por ishte sulm ndaj demokracisë.
Hoxhaj u premtoi përkrahësve se asnjë sulm nuk e frikëson PDK-në në zgjedhje dhe se kjo parti është gati për fillimin e ri:
“Pas sulmit që ka ndodhur ndaj Arbanës, në emër të PDK-së jam këtu që t’I them zonjës Xharra se ne e mbështesim, e përkrahim, e inkurajojmë që ta kalojë këtë situatë. Sulmi ndaj saj nuk ishte thjesht sulm ndaj një gruaje, ndaj një nëne, por sulm ndaj demokracisë. Unë jam këtu t’i premtoj Arbanës dhe të gjithëve ju se PDK-ja do të punoj për Kosovën, dhe është e vetmja parti që mund ta bëj Kosovën”, u shpreh Hoxhaj. Kjo është deklarata e parë e PDK-së pas ngjarjes ku u dhunua Arbana Xharra. Më herët kishte reaguar Kryetari Veseli.
(B.H/Shuplaka)
