Mbi 100 persona raportohet të kenë humbur jetën ndërsa shumë të tjerë janë plagosur si pasojë e sulmit të kryer nga koalicioni i udhëhequr nga Arabia Saudite ndaj një burgu në juglindje të Jemenit, njoftojnë rebelët Huthit.
Ministria e Shëndetësisë e udhëhequr nga rebelët Huthi, thotë se 60 trupa të pajetë janë gjetur në ndërtesën e burgut të qëlluar nga avionët luftarakë të koalicionit në qytetin Dhamar.
Nga koalicioni i udhëhequr nga Arabia Saudite, përmes një deklarate njoftojnë se sulmet ajrore kanë pasur për synim një ndërtesë që përdorej si depo për mjetet pa pilot dhe për raketat.
“Koalicioni i ka ndërmarrë të gjitha masat për të shmangur viktimat civile gjatë sulmeve ajrore në vend”, tha zëdhënësi i koalicionit, Turki al-Malki.
Ndërkohë, nga Komiteti Ndërkombëtar i Kryqit të Kuq (ICRC) siç duket bëjnë të ditur se vendi ishte një institucion paraburgimi.
Jemeni është përfshirë nga lufta civile që nga viti 2014, kur rebelët Huthi pushtuan pjesën më të madhe të vendit, përfshirë kryeqytetin Sana.
Konflikti u përshkallëzua edhe më tej kur Arabia Saudite dhe aleatët e saj, përfshirë edhe EBA-në, filluan një fushatë masive ajrore që synonte pengimin e avancimit të rebelëve Huthi dhe mbështetjen e qeverisë pro-Saudite të vendit.
Sipas vlerësimeve të OKB-së, më shumë se 70.000 njerëz janë vrarë gjatë konflikti që nga viti 2016.
