Mbrëmjen e djeshme Presidenti Ilir Meta u shpreh se institucioni që ai drejton ka qenë dhe do të jetë një “kala e pamposhtur në mbrojtje të Kushtetutës’, dhe sot duket se e ka konkretizuar me një meme këtë qendrim të tij.
Meta ka postuar disa minuta para takimit me Komisionin e Venecias, një foto ilustruese, ku në krye të kalasë qëndron Kushtetuta e vendit, ndërkohë që po sulmohet nga ata që kreu i shtetit i quan si “Rilindja”, e që padyshim simbolizon qeverisjen e Edi Ramës.
Në një intervistë televizive, Meta është shprehur se: “Presidenti i Republikës është ne detyre deri ne 24 korrik 2022, ne kala dhe një kështjelle e pamposhtur ne mbrojtje te Kushtetutës. Le te kërkojnë çfarëdo intepretim dhe nga kushdo. Kjo histori ka marre fund. Do i bej thirrje te gjithe shqiptareve te dalin ne mbrojtje te Kushtetutës dhe kete e kam bere te qarte”.
Komisioni i Venecias ka mbërritur paraditen e sotme në Tiranë, ku po zhvillon takime me krerët më të lartë të shtetit, për tu njohur me procedurat e ndjekura për zgjedhjen e anëtarëve të rinj të Gjykatës Kushtetuese.
Discussion about this post