Ministria e Shëndetësisë në Gaza tha se të paktën 12 njerëz vdiqën dhe 20 u plagosën në sulmet ajrore që nga ora 5 e mëngjesit me orën lokale të së martës, pasi paralajmëroi se numri i viktimave mund të rritet.
“Ekuipazhet e ambulancës po vazhdojnë ende të evakuojnë viktimat nga zonat e shënjestruara nga okupimi”, tha Ministria e Shëndetësisë, duke iu referuar Izraelit.
Forcat e Mbrojtjes së Izraelit (IDF) konfirmuan se kishin nisur sulmet ajrore në Gaza, duke thënë se ishte një “përgjigje ndaj agresionit të pandërprerë nga ana e organizatës terroriste të Xhihadit Islamik”.
Zëdhënësi i IDF-së, nënkoloneli Richard Hecht i quajti objektivat “terroristë kryesorë” dhe këmbënguli se ushtria “bëri sa më shumë që mundëm për t’u përqëndruar në to”.
Por ai gjithashtu pranoi se IDF ishte “në dijeni të disa kolateraleve”, një referencë e dukshme për gratë dhe fëmijët që u vranë gjithashtu së bashku me ata që ishin në shënjestër.
“Nëse ka pasur disa vdekje tragjike, ne do ta shqyrtojmë atë dhe do të kthehemi tek ju,” tha ai në përgjigje të pyetjeve të gazetarëve.
Grupi militant palestinez Xhihadi Islamik konfirmoi se tre nga komandantët e tij u vranë në operacion së bashku me gratë dhe fëmijët e tyre.
Spitali Al Shifa në Gaza tha se të vrarët ishin anëtarë të katër familjeve plus një individ tjetër. Gjashtë nga të vdekurit ishin meshkuj dhe gjashtë femra, tha ai, por nuk përfshinte moshat.
Komandantët e vrarë ishin Jihad Shaker Al-Ghannam, sekretar i Këshillit Ushtarak në Brigadat al Quds; Khalil Salah al Bahtini, komandant i Rajonit Verior në Brigadat al Quds; dhe Tariq Muhammad Ezzedine, një nga udhëheqësit e krahut ushtarak të Brigadave al Quds në Bregun Perëndimor, tha grupi.
Discussion about this post