Kryeminsitri i Shqipërisë, Edi Rama, është pjesëmarrës në Forumin Ekonomik Botëror që po zhvillohet në Davos të Zvicrës.
Në një prej sesioneve ku kryeministri mori pjesë u diskutua për sulmin kibernetik ndaj Shqipërisë nga Irani. Rama tha se Shqipëria ia doli t’i bënte ballë sulmit dhe se qëllimi i keqbërësve ishte ta shkatërronte sistemin e shërbimeve digjitale.
“Po luftojmë me kohën për të forcuar sa më shumë sigurinë kombëtare. Ne e dimë shumë mirë që kapaciteti i këtyre që bëjnë këto sulme është shumë i madh dhe unë nuk njoh një vend që nuk e ka përjetuar një gjë të tillë, ndonjëherë edhe me dëme të mëdha. Të flasësh për përgjegjësi është shumë e lehtë por ne do ta adresojmë problemin në sofistikimin e mbrojtjes. Ne rezistuam shumë mirë mendoj në krahasim me targetin që kishin sulmuesit. Qëllimi i tyre ishte ta ‘fshinin’ totalisht sistemin tonë digjital dhe të na rikthenin te ‘epoka e letrës’. Kjo nuk ndodhi dhe ne ia dolëm,” theksoi Rama.
Shefi i qeverisë njoftoi të pranishmit se Shqipëria është një sukses për sa i përket shërbimeve në fushën digjitale.
Gjatë verës së viti që shkoi Shqipëria u bë tabelë shënjestre e sulmeve kibernetike, ndërsa hetimet nxorën se në to ishtë përfshirë regjimi iranian. Pas sulmeve të njëpasnjëshme, Tirana zyrtare mori vendimin për të ndërprerë marrëdhëniet diplomatike me Iranin.
Discussion about this post