Katër punonjësit e policisë kanë dëshmuar në Gjykatën e Krimeve të Rënda lidhur me ngjarjen për përplasjen e makinës së policisë në qytetin e Elbasanit, ngjarje kjo e ndodhur në vitin 2017.
Të katër punonjësit e policisë kanë mohuar që të kanë parë Suel Çelën në brenda Audit që përplasi makinën e zv/drejtorit të policisë, Gjergj Oshafi.
Oficerët Fadil Meta, Ylli Bici, Ervin Ballaci dhe Arben Belba, kanë rrëfyer pozicionin e tyre në aksion por asnjëri prej tyre nuk identifikoi personin që drejtonte makinën tip Audi.
“Por njëkohësisht, mëngjesin e asaj dite kishin marrë një denoncim nga një person, i cili pretendonte se ishte kërcënuar me vdekje brenda tunelit të rrugës Tiranë-Elbasan e për këtë ishin vënë në ndjekje të dy automjeteve tip ‘Range Rover’ dhe ‘Audi’”.
“Sapo e konstatuam mjetin Range Rover, e ndoqëm dhe i bëmë shenjë të ndalonte përpara tregut, për shkak se zona ishte e ndriçuar”.
“Drejtuesi i mjetit ishte pajisur me një radiomarrës, të cilën tentoi t’ia jepte rojës së biznesit, e në këtë moment, nëndrejtori Gjergj Oshafi urdhëroi ta shoqëronim në komisariat”.
“Kërkuam ndihmën e patrullës dhe po largoheshim, kur një punonjës policie lajmëroi në radio se po vinte një makinë tip ‘Audi’ dhe zëri i tij ishte i shqetësuar. Ai na lajmëroi të kishim kujdes për jetën. ‘Audi’ goditi makinën ku unë ndodhesha bashkë me nëndrejtorin Gjergj Oshafi dhe një oficer tjetër. Mjeti u largua me shpejtësi brenda ambienteve të tregut dhe në pak sekonda porta u mbyll, besoj përmes një pulti në distancë”,- dëshmoi Ballaci.
“Ne u gjendëm të papërgatitur për të ndërhyrë, pasi u tronditëm nga ngjarja, por edhe sepse prisnin urdhra nga lart”.
“Dyshimet tona ishin se personat në fjalë kishin të shkuar kriminale, në fushën e trafikut të drogës dhe vrasjeve, por nuk mund të jap më shumë detaje, pasi janë informacione policore”, dëshmoi ai.
Discussion about this post