Pas sulmit me armë zjarri që ndodhi këtë mesditë në një lokal në qytetin e Elbasanit, si pasojë e të cilit mbetën tre të plagosur, policia ka vënë në pranga katër persona.
Të arrestuarit janë tre vellezërit A. Gjini, E. Gjini dhe K. Gjini, si edhe një person i katërt Hajdar Bako. Ndërkohë policia ka shpallur në kërkim edhe një person të pestë, të quajtur Franc Corpja (Gegerly).
Lokali ku ndodhi ngjarja është një ndër më të njohurit në qytetin e Elbasanit dhe nuk rezulton të ketë pasur probleme më parë.
Sipas policisë sherri ka filluar me sende të forta dhe më pas ka përfunduar deri te gjuajta me armë. Po kështu raportohet se 2 prej të plagosurve janë plagosur me armë zjarri ndërsa 1 tjetër me mjete të forta. Mësohet se konflikti ka nisur midis shtetasve A.Gj dhe H.C.
Njoftimi i parë i policisë:
Policia e Elbasanit mori njoftim se në një lokal në fshatin Bradashesh ka patur konflikt dhe të shtëna me armë zjarri ndërmjet disa personave. Menjëherë janë organizuar shërbimet dhe kanë mbërritur në vendngjarje, si dhe u ngritën pikat e kontrollit.
Policia ka konstatuar se në konflikt ishin përfshirë 4- 5 persona.
Si pasojë e konfliktit me sende të forta e më pas me armë zjarri janë plagosur tre persona nga këta, dy me armë zjarri e një me sende të forta dhe konkretisht:
K.GJ, është plagosur me armë zjarri.
H.C është plagosur me armë zjarri.
Si dhe shtetasi A.Gj është dëmtuar me sende të forta.
Shtetasit janë dërguar për ndihmë mjekësore në spitalin Kirurgjik Elbasan dhe ndodhen jashtë rrezikut për jetën.
Konflikti dyshohet të ketë nisur midis shtetasve A.Gj dhe H.C.
Shtetasit A.Gj dhe K.GJ rezultojnë rezident në Angli.
Grupi hetimor ndodhet në vendngjarje në bashkëpunim me Prokurorinë popunojnë për sqarimin e plotë të rrethanave të ngjarjes. (D.D/Shuplaka)
