Shtetet e Bashkuara të Amerikës, Britania e Madhe dhe Franca kanë nisur ofensivën ndaj Sirisë në orën 5:00 të mëngjesit të kësaj të shtune.
Ky është lajmi që ka përfshirë të gjithë mediat ndërkombëtare, ndërsa së fundi ka pasur një reagim dhe nga ana e Turqisë.
Sulmi me raketa është përshëndetur dhe nga ministria e jashtme ruse. Turqia përshëndet sulmet ajrore ndaj qeverisë siriane si një përgjigje “e përshtatshme”, tha një burim i ministrisë së jashtme të shtunën, raporton ‘’reuters”.
“Ne e shohim operacionin e kryer kundër qeverisë siriane nga Shtetet e Bashkuara, Mbretëria e Bashkuar dhe Franca … si një përgjigje të përshtatshme,” tha burimi.
Më herët vetë presidenti Trump lajmëroi se kishte urdhëruar një sulm ajror me goditje preçize, për të mos dëmtuar qytetarët sirianë, ndërsa besohet se kjo do të jetë ofensiva më e madhe e aleatëve, kundër regjimit të Assadit.
“Një operacion i kombinuar me forcat e armatosura të Francës dhe Britanisë së Madhe, është duke u zhvilluar tani”, deklaroi presidenti Trump para pak minutash.
Raketat goditën kryeqytetin, Damaskun, si dhe dy vende afër qytetit të Homs, si pasojë e sulmeve janë evakuuar mijëra banorë, tha Pentagoni.
Ky sulm vjen vetëm disa ditë pasi SHBA-të akuzuan Sirinë për përdorim të armëve kimike në qytetin e Doumës, ku edhe humbën jetën 70 civilë ndërsa ende pritet me interes reagimi i Rusisë, që kërcënoi me luftë, nëse sulmohet Siria.
Menjëherë pas sulmit ka reaguar ambasadori i Rusisë në SHBA, Antonov i cili është shprehur se ndërmarrja e sulmit ndaj aleatit të saj do të ketë pasoja të rënda.
(E.K/FAXWEB.AL)
Discussion about this post