Sali Berisha është shprehur i shqetësuar për sulmin me raketa të Iranit ndaj Izraelit.
Përmes një postimi në platformën Facebook Berisha ka thënë se mbështet të drejtën e Izraelit për t’u mbrojtur.
“Sulmi i Ajetullahëve të Teheranit kundër Izraelit është një agresion i hapur ndaj ketij vendi!
Mbrëmë Ajetullahët e Iranit ndërmorën një sulm, agresion ajëror me qindra raketa kundër Izraelit. Partia Demokratike dënon me forcën më të madhe këtë sulm si një shpallje lufte të hapur ndaj shtetit të Izraelit dhe si një akt qe dëshmon dhe njëherë se regjimi i Ajetullahëve të Teheranit është një faktor madhor destabilizimi në rajon dhe në botë”.
Irani sulmoi Izraelin me raketa balistike më 1 tetor, në përgjigje të fushatës së Izraelit kundër Hezbollahut të Libanit, duke shënuar një përshkallëzim të ri të konfliktit midis Izraelit dhe grupit militant të mbështetur nga Irani.
