David Myrte, autori i dyshuar për ngjarjen e rëndë shënuar pak ditë më parë në Devoll, ka dalë përpara trupit gjykues në Gjykatën e Korçës. Ai ka mohuar akuzat që rëndojnë mbi të, duke u shprehur se nuk ka lidhje me ngjarjen.
Përballë trupit gjykues, i dyshuari Myrte është shprehur se nuk ka lidhje me ngjarjen e rëndë, duke theksuar se ai që e ka akuzuar është i lajthitur.
Gjykata e Korçës vendosi të lërë në burg të dyshuarin për ngjarjen e shënuar në Devoll më 19 mars, ku mbeti i vdekur Zafir Alliu. Tre persona u sulmuan atë ditë, pak pasi kishin lënë banesat e tyre për të emigruar drejt Greqisë. Gjatë përleshjes mes grupeve, mbeti i vdekur Zafir Alliu.
“S’kam lidhje me këtë ngjarje, personi që më identifikon mua ka qenë në lajthitje, e bën në mënyre të gabuar! Nuk jam unë autori dhe nuk kam asnjë dijeni për ngjarjen. Kam qenë i shoqëruar me shoket e mi të cilët janë të gatshëm ta vërtetojnë këtë por policia nuk ka pranuar të marrë dëshmitë e tyre.”, është shprehur David Myrte.
(XH.A/SHUPLAKA)
Discussion about this post