Përfaqësuesja e OSBE-së për Lirinë e Medias, Dunja Mijatoviç, ka dënuar sulmin fizik që u bë ditën e djeshme ndaj gazetarit Elvi Fundo ish-“Stacioni i Trenit” në Tiranë. Gazetari ndodhet në spital dhe po merr mjekimin e nevojshëm.
“Unë besoj se autoritetet duhet të hetojnë sulmin dhe duhet të vendosin përgjegjësit para drejtësisë”, tha Mijatoviç.
Përfaqësuesja përshëndeti dënimin e sulmit nga ana e kryeministrit Edi Rama, Unionit të Gazetarëve Shqiptarë dhe Autoritetit të Mediave Audiovizive dhe tha se ishte në dijeni për nisjen e hetimeve.
Përfaqësuesja e OSBE-së për Lirinë e Medias vëzhgon zhvillimet mediatike në të 57-a shtetet pjesëmarrëse të OSBE-së. Ajo paralajmëron në kohë për shkeljet e lirisë së shprehjes dhe lirisë së medias, si dhe promovon respektimin e plotë të angazhimeve të OSBE-së për lirinë e medias. (J.V/Shuplaka)
Discussion about this post