Policia spanjolle ka zbuluar detaje të reja lidhur me sulmin që ndodhi sot në Barcelonë, ku humbën jetën 13 persona dhe mbetën të plagosur dhjetëra të tjerë.
Mësohet se furgoni i cili u përdor sot për sulmin, u mor me qira nga një maroken i quajtur Driss Oukabir. Mediat lokale shkruajnë se Oukabir, e mori me qira furgonin në qytezën e Santa Perpetua de la Mogada. Mirëpo kjo nuk vërteton se është ai autori.
Kujtojmë se një furgon u fut sot mes një turme turistësh në Barcelonë, duke shkaktuar 13 të vdekur dhe dhjetëra të plagosur.
Incidenti ka ndodhur pak orë në “La Rambla”, një rrugë e njohur e cila vizitohet nga turistët por që CIA e ka paralajmëruar si target terrorizmi. Pas aksidentit, shoferi i furgonit është larguar menjëherë nga vendngjarja.
Mediat spanjolle raportojnë se autoritetet janë në kërkim të shoferit të automjetit që u arratis menjëherë pas incidentit. Ndërkohë shërbimet e urgjencës i kanë bërë thirrje që njerëzit të qëndrojnë larg zonës.
Fillimisht u tha për një aksident, por tani ngjarja po trajtohet si sulm terrorist.
Përplasja ka ndodhur para restorantit hebre “Maccabi”, detaj i cili ka ngritur dyshimet për një sulm me prapavijë fetare dhe racore.
(D.D/Shuplaka)
Discussion about this post