23-vjeçari tunizian Anis Amris, i cili dyshohet se është autori i sulmit në Berlin ku mbetën të vdekur 12 persona dhe u plagosën 48 të tjerë, është një emër i njohur për policinë. Në një artikull të saj, “Daily Mail” zbardh disa prej gabimeve që ka bërë Gjermania lidhur me autorin e dyshuar.
Bëhet fjalë për një varg gabimesh të autoriteteve gjermane të sigurisë. Inteligjencës gjermane do i duhet të përballet me një sërë pyetjesh pasi rezulton se tuniziani Anis Amris është një kriminel që duhet të ishte deportuar kohë më parë nga Gjermania.
Ndërkohë që autoritetet vendase kanë vendosur një shpërblim prej 100.000 euro për atë që do të bashkëpunojë me policinë, mësohet se i riu ishte prej muajsh nën mbikëqyrjen e Inteligjencës gjermane.
Ai ishte nën mbikëqyrje prej muajsh, është arrestuar dhe liruar tri herë dhe është zvaritur deportimi i tij. Pavarësisht refuzimit të kërkesës për azil në Gjermani, ai vijonte të qëndronte në shtetin gjerman. Dyshohet se azilkërkuesi tunizian është mbështetës i Shtetit Islamik dhe mund të jetë trajnuar në përdorimin e armëve.
Ai gjithashtu u përpoq të rekrutonte një bashkëpunëtor të tij në një komplot terrorist, megjithatë vijoi të mbetej i lirë. Zbulohet se Anis Amris ishte nën hetim për planifikimin e një akti të rëndë dhune kundër shtetit.
Ndërkaq, policia gjermane vijon të kërkojë Anis Amris, për të cilin shprehet se mund të jetë i armatosur dhe i prirur për sulm tjetër terrorist. (XH.A/SHUPLAKA)
Discussion about this post