Prewj dy ditësh në të gjithë Europën ka nisur një operacion për të gjetur autorin e vetëm të dyshuar nga polica dhe inteligjenca gjermane si autori i sulmit të ndodhurnë tregun e Krishtlindjeve në Berlin, mbrëmjen e së hënës, ku një kamion hyri mes turmës dhe shkaktoi 12 viktima dhe plagosi 48 të tjerë.
Gazetarët e rrjetit televiziv britanik, BBC kanë arritur të gjejnë banesën ku ka jetuar tuniziani Anis Amri në Gjermani, ndërsa mësohet se për disa kohë ai ka jetuar edhe me shqiptarë.
“Në një ndërtesë të rrethuar me fusha, 16 emigrantë jetojnë në dy kate në një strehim të stilit studentor. Trokita në secilën prej dyerve të tyre. Refugjatët e rinj irakenë dhe shqiptarë, që hapën derën thanë se e njihnin shumë pak Anis Amrin, i cili qëndroi aty për një kohë të shkurtër”, shkruan BBC.
“Nuk e njoh fytyrën e tij. Por kemi biseduar rreth këtij sulmi me refugjatë të tjerë dhe se si ky njeri kishte kontakte me xhihadistë këtej rrotull. Këtu është e tmerrshme, por askush këtu nuk di gjë më shumë për të”, ka thënë Andi nga Shqipëria, në momentin që gazetari i BBC-së i ka treguar foton e tunizianit të dyshuar për sulmin në Berlin.
“Ka një shenjë svastika në murin e korridorit, dëshmi e një ndjenje anti-refugjat, për të cilën emigrantët thonë se u bë para dy muajve nga banorë vendas”, thotë gazetari i BBC-së, i cili ka vëzhguar nga afër banesën
Anis Amri ishte nën vëzhgim që në fillim të këtij viti pasi dyshihej për planifikimin e një grabitjeje me armë, por më pas i’u hoq nga vëzhgimi për shkak të mungesës së provave.
Para se të hynte në Gjermani, ai ishte dënuar me 4 vjet për zjarrvënie në Itali. (A.R/SHUPLAKA)
Discussion about this post