Duket se atentatori i sulmit në Las Vegas që la të vdekur 59 persona dhe plagosi mbi 500 të tjerë e kishte të mirëmenduar planin dhe dinte çfarë do të bënte.
Në dhomën e hotelin përpos 23 armëve u gjet edhe një laps dhe metër që si duket do i nevojiteshin për sulmin. Sherifi Joseph Lombardo u tha gazetarëve se në dhomën e hotelit nga ku është bërë dhe sulmi Stephen Paddock kishte instaluar kamera si jashtë ashtu edhe brenda dhomës në mënyrë që të vëzhgonte cdo lëvizje.
“Të gjitha provat dixhitale dhe elektronike janë marrë në shqyrtim”- shtoi ai.
Gjatë hetimeve autoritetet gjetën 23 armë në dhomën e hotelit, 19 në shtëpinë e tij në Mesquite, Nevada, dhe shtatë në shtëpinë e tij në Reno. Po ashut janë zbuluar substanca shpërthyese në shtëpinë dhe makinën e tij.
Ndërkohë, e dashura e atentatorit është marrë në pyetje nga FBI-ja menjëherë pas uljes në aeroportin LAX në Los Anxheles të martën nga Filipinet pasi konsiderohet si një person i rëndësishëm në lidhje me rastin.
Hetuesit raportuan se pas një pyetsori që i është kryer 62-vjeçares e cila ishte një grua me karrocë doli se ajo nuk kishte dijeni për planin që kishte Stephen Paddock dhe kishte ardhur me dëshirën e saj në Las Vegas për të pastruar emrin e saj. Gruaja në fjalë që prej datës 22 shtator kishte qenë në Manilla raportojnë autoritetet në Filipine. Një detaj tjetër që u zbulua nga FBI-ja ishte se vetëm një javë përpara ngjarjes të së dielës atentatori kishte lidhur në një llogari bankare në Filipine ku kishte derdhur 100.000 dollarë. Ende nuk bëhet e ditur në cilin emër është llogaria.
(B.N/SHUPLAKA)
Discussion about this post