Sulmi ditën e djeshme në Londër tronditi jo pak opinionin mbarëbotëror. Europa përherë e më shumë është e ekspozuar ndaj sulmeve dhe frika nga terrorizmi është shtuar ccdo ditë e më shumë.
Ngushëllim dhe mbështetje për këtë sulm ka shprehur dhe lideri i opozitës Lulzim Basha.
‘’Jam i tronditur nga sulmi terrorist në Londër dhe ndjej dhimbje të thellë për jetët e humbura e të lënduara.
Në emrin tim dhe të Partisë Demokratike u shpreh ngushëllime familjeve të viktimave dhe mbështetje popullit e udhëheqësve të Mbretërisë së Bashkuar.
Partia Demokratike si sot në opozitë edhe nesër në qeverisjen e vendit do të jetë aleate besnike dhe e palëkundur e Mbretërisë së Bashkuar në luftën e përbashkët kundër terrorizmit dhe për triumfin e paqes dhe lirisë në botë’’, shkruan Basha.
Duhet thënë se të gjithë liderët botërorë kanë shprehur solidaritetin e tyre me Britaninë në këtë moment të vështirë të passulmit. (E.K/SHUPLAKA)
Discussion about this post