Policia britanike ka zbuluar të tjera detaje mbi sulmin e pak orëve më parë pranë godinës së Parlamentit në Londër, ku mbetën të plagosur disa persona dhe humbën jetën dy të tjerë, një grua dhe një efektiv policie.
Mirëpo në deklaratën për shtyp, policia bën me dije se është shtuar bilanci i të vdekurve i cili nga 2 ka shkuar në 4.
Dy prej tyre kanë ndërruar jetë pas sulmit me makinë, një efektiv policie ka vdekur pas sulmit me thikë, ndërsa i katërti është autori. Ndërkohë raportohet edhe për 20 të plagosur.
Londra gjendet nën terror pas sulmit pasi oficerë policie ndodhen brenda dhe jashtë parlamentit, ndërkohë që ushtria ka rrethuar zonën. Një person që ngiste një makinë Hyndai shtypi 12 persona pranë urës së Westmister-it, ndërsa më pas u drejtua drejt godinës së Parlamentit, ku goditi me thikë një polic. Gjatë përleshjes me një tjetër oficer policie, bardhë e blutë e qëlluan me armë zjarri. (D.D/Shuplaka)
