Plot tetë persona janë ndaluar si të dyshuar në lidhje me sulmin terrorist të mbrëmjes së ndërrimit të viteve në Stamboll.
Anadolu Agency raporton se ekipet e Departamentit për Luftimin e Terrorizmit në Stamboll kanë nisur një hetim pas arratisjes së terroristit që kreu sulmin.
Të gjithë të ndaluarit janë thirrur për të dhënë dëshminë e tyre në drejtorinë e policisë së Stamboll-it.
Forcat policore janë ende në proces hetimi dhe po vëzhgojnë me detaje të gjitha pamjet e siguruara nga kamerat e sigurisë.
Duhet theksuar se deri më tani kanë qarkulluar hipoteza të ndryshme lidhur me autorin e masakrës. Në fillim u tha se terroristi hyri i veshur si babagjysh, pastaj kjo gjë u mohua nga kryeministri.
Më vonë u tha që ishte një djalë i ri i cili ishte zbuluar nga kamerat, por më pas edhe kjo hipotezë u hodh poshtë pasi doli se pamjet ishin të tre viteve më parë. (D.D/Shuplaka)
