Tri ditë pas sulmit të Stambollit, një dëshmitar okular ka rrëfyer momentet e tmerrit që përjetoi teksa terroristi qëllonte me armë të pranishmit. Në një intervistë për “Reuters”, Francois al-Asmar, ka treguar se ishte një i diplomuar libanes për Radio e TV dhe kishte shkuar për të vizituar Stambollin.
Në rrëfimin e tij, i riu ka bërë me dije se iu desh të fshihej pas tryezës dhe të shtirej si i vdekur në mënyrë që të shmangte mundësin që terroristi të gjuante mbi të.
“Ai gjuajti një herë kështu që mendova se ishte një njeri i zemëruar apo i dehur… Por, disa sekonda më vonë, dëgjuam një mitraloz. Unë u fsheha pas tryezës, ulur në dysheme, por shpatullat e mia duhet të kenë qenë të ekspozuar. Ai gjuante në dysheme … veprova si i vdekur kështu që ai nuk gjuajti në mua “, tha për Reuters Asmar nga shtrati i tij në spital. (XH.A/SHUPLAKA)
Discussion about this post