Mediat turke raportuan se mes atyre që i mbijetuan sulmit të mbrëmjes së kaluar në Stamboll, ku humbën jetën 39 persona, bënte pjesë edhe një futbollist.
Lojtari i Bejlerbej të Stambollit, Sefa Boidash, rrëfeu për mediat momentin e sulmit me armë zjarri.
“Kishim vetëm dhjetë minuta që ishim futur. Teksa po zinim vend, te dera doli shumë tym e pluhur. Pastaj u dëgjuan të shtëna dhe vajzave po u binte të fikët. Njerëzit shkelnin mbi njëri-tjetrin për të shpëtuar”, tregon futbollisti.
Ndër të tjera Boidash tregon se nuk e pa autorin e krimit, mëgjithatë dëgjoi zhurmat.
“Nuk e pashë atë që qëlloi, por dëgjova krismat dhe njerëzit që bërtisnin teksa përpiqeshin të dilnin. Policia mësyu menjëherë. E dashura ime kishte veshur taka, prandaj e ngrita dhe e mbajta në kurriz”, shton Boidash.
Goxha natë kjo e mbrëmjes së kaluar, natë që për fat të keq ka shkatërruar shumë zemra nënash, familjarësh, të dashurish! (D.D/Shuplaka)
Discussion about this post