Pas sulmit të dyshuar terrorist në Stokholm, mediat e huaja kanë publikuar momentet e arrestimit të një autori të dyshuar, edhe pse policia suedeze ka konfirmuar se autori kryesor është ende në kërkim dhe nuk është kapur.
Sipas policisë, nga sulmi kanë humbur jetën 3 persona dhe janë plagosur 8 të tjerë, por mediat vendase raportojnë se janë 5 viktima.
Një kamion hyri sot me shpejtësi në turmën me njerëz në rrugën Drottninggatan të Stokholmit, pranë një qendre tregtare.
Sipas dëshmitarëve ka pasur edhe të shtëna me armë zjarri.
Kryeministri suedez e përshkroi sulmin si akt terrorist. Si pasojë e ngjarjes, autoritetet kanë mbyllur metronë, ndërsa kamioni me të cilin u krye sulmi rezulton i grabitur. (M.D/ Shuplaka)
