Detaje të reja zbulohen mbi ngjarjen e mbrëmshme në Stamboll, ku si pasojë e një sulmi terrorist në një klub nate humbën jetën plot 39 persona.
Ministrja e Punëve Sociale dhe Familjare, Fatma Betul Kaya Sayan tha se shumica e viktimave ishin shtetas të huaj.
“Në mesin e të plagosurve ka edhe shtetas turq, por shumica e tyre janë të huaj. Shumica e tyre kishin vizituar disa herë Turqinë dhe e njohin mirë vendin tonë”, tha Kaya në një deklaratë për mediat.
Siç bën me dije ministrja, në mesin e të plagosurve ishin sauditë, marokenë, libanezë, libianë por jo vetëm.
Ndërsa midis 20 të vdekurve të identifikuar, 15 prej tyre gjithashtu ishin shtetas të huaj.
Sulmi terrorist ndodhi natën e ndërrimit të viteve në një klub nate të quajtur Reina, ku humbën jetën të paktën 39 persona dhe 69 të tjerë mbetën të plagosur. (D.D/Shuplaka)
Discussion about this post