Një person i armatosur vrau të enjten katër persona në një universitet në Turqi. Autori i shihte personat si mbështetës të klerikut Gylenit. Agjencia shtetërore e lajmeve “Anadolu” tha se policia e arrestoi personin e armatosur në universitetin “Osmangazi” të qytetit Eskisehir, pranë Ankarasë. Një gazetar i agjencisë “Anadolu” i tha CNN-it turk se personi i armatosur ishte dorëzuar dhe nuk ishte përpjekur të largohej.
Ai më heret kishte punuar si kërkues shkencor në universitet dhe sipas dëshmisë së parë ishte rikthyer në universitet për të takuar dekanin. Në mungesë të tij, zemërimi i studiuesit, ndaj të cilit disa anëtarë të stafit kishin paraqitur vazhdimisht ankesa, u përplas mbi zëvendësdekanin, sekretarin e fakultetit, një lektor dhe një anëtar personeli.
“Ky person kishte pohuar se disa anëtarë të universitetit ishin anëtarë të FETO-s, dhe ai kishte patur pretendime të ngjashme edhe më parë në gjykatë”, tha zoti Gonen, duke përdorur një akronim që nënkuptonte rrjetin e klerikut amerikan Fethullah Gulen, me bazë në SHBA.
Personi në fjalë, i shkarkuar më herët nga detyra, pretendonte se disa punonjës ishin anëtarë të FETO-s dhe të tilla pohime i kishte bërë dhe në gjykatë, është shprehur Hasan Gonen, rektori Universitetit Osmangazi. Gyleni jeton që prej vitit 1999 në mërgim të vetë-imponuar në Pensilvani. Ai akuzohet nga qeveria turke dhe presidenti Rexhep Tajip Erdoan si orkestruesi i grushtit të dështuar të shtetit korrikun e vitit 2016.
(M.Q/Faxweb)
